Deputeti Oerd Bylykbashi, ka folur ditën e sotme në Kuvend mbi tensionet aktuale në Kosovë, dhe qasjen që po mban vendi ynë lidhur me situatën.
Gjatë fjalës së tij, Bylykbashi shprehet se qeveria shqiptare nuk po e merr seriozisht situatën, teksa akuzoi kryeministrin Edi Rama se interesi i tij është zero.
Ndër të tjera Bylykbashi u shpreh se me këtë qëndrim Rama është duke e vendosur Prishtinën në pozitë të vështirë.
“Sensibilitet më të lartë se ajo që po ndodh në Kosovë nuk ka. Nëse nuk reagon ky parlament për atë që po ndodh, çfarë po bën qeveria shqiptare? Interesi kombëtar shkruhet që në preambël. Kushtetuta na udhëzon të futemi në aleanca për mbrojtjen e interesit kombëtar. Dihet të kishim sot këtu kryeministrin, por ai nuk vjen sepse interesi i tij për parlamentin është zero. Ai nuk e ndjen nevojë fare, duhet të jepte llogari për atë që i ka propozuar.Interesi kombëtar nuk është në lindje të Ukrainës, por në veri të Kosovës. Duhet të ishte këtu kryeministri sot, jo të kemi këtë situata, bosh vendet. Ne nuk jemi administrata publike e kryeministrit, por të zgjedhurit e qytetarëve. Çdo gjë tjetër është thikë pas shpine, Ky kryeministër, parlamenti është duke vënë në pozitë të vështirë Kosovës. Ne e dëmtojnë Kosovën në negociatë. Duhet t’i mbështesim dhe jo t’i vëmë në pozitë të vështirë”, tha Bylykbashi.
