Një plagosje me thikë raportohet të ketë ndodhur në Itali, ku si autor dyshohet se është një shqiptar.
Mediat e huaja shkruajnë se ngjarja ka ndodhur në zonën Villanova di Colli al Metauro, ku shqiptari është përfshirë në një sherr me një shtetas maroken dhe e ka plagosur këtë të fundit me thikë në gjoks dhe në bark.
Mësohet se i plagosuri iu nënshtrua një operacioni e më pas u transferua në repartin e terapisë intensive, ku ndodhet ende tani, pa rrezik për jetën.
Përpos dëshmive, vendimtare për zbardhjen e ngjarjes dhe identifikimin e autorit, ishin pamjet e kamerave të lokalit (ku të dy kanë hyrë para diskutimit për të blerë pije, si Red Bull),- raportojnë mediat e huaja.
Ndërkohë shqiptari është lokalizuar dhe arrestuar nga policia italiane.
Burimi: Ilrestodelcarlino.it
