Një shqiptar ka humbur jetën në një aksident tragjik në punë në Itali. Sami Macakulli, vetëm 23 vjeç, humbi jetën pasi ra nga një shtyllë e tensionit të lartë në një lartësi prej 45 metrash. Përplasja në tokë ishte fatale për të riun i cili humbi jetën menjëherë.
Sipas asaj që shkruajnë mediat, Macakulli ishte siguruar me një kabull të gjatë që është këputur për arsye që nuk janë përcaktuar ende. Menjëherë në vendin e ngjarjes shkuan 2 ambulanca dhe ekipi mjekësor, por nuk mundën të bënin dot asgjë për të riun shqiptar.
Autoritetet kanë nisur hetimet menjëherë për këtë ngjarje kaq të rëndë.
