Ish-Presidenti Donald Trump postoi në rrjetin e tij social, Truth Social, se sot është ““një nga ditët më të trishta në historinë e vendit” pak përpara se të arrestohej para paraqitjes në gjykatë.
“Jemi një komb në rrënim!” shkroi Trump në postimin e tij në “Truth Social”.
Trump është aktualisht duke shkuar drejt një gjykate federale në Miami, ku do të gjykohet për çështjen e ngritur kundër tij nga prokurori i posaçëm Jack Smith.
Ai përballet me 37 akuza penale në lidhje me trajtimin e dokumenteve të klasifikuara në resortin e tij në Florida Mar-a-Lago pasi la detyrën.
