Një shtetase nga Shqipëria, është përfshirë në një aksident automobilistik disa ditë më parë, teksa njoftohet se ka ndërruar jetë në spital.
Ngjarja ndodhi më 4 qershor në autostradën “Ibrahim Rugova” në Kosovë, ndërsa mediat vendase njoftojnë se mbrëmjen e kaluar shtetasja shqiptare ka ndërruar jetë në QKUK.
“Autostrada Ibrahim Rugova 04.06.2023 – 12:05. Më 10.06.2023 si pasoj e lëndimeve të marra në aksident, gjersa ishte në tretman mjekësorë në QKUK ka ndërruar jetë viktima femër shqiptare shtetase e Shqipërisë. Me vendim të prokurorit trupi i pa jetë i viktimës u është dorëzuar familjarëve të viktimës”, thuhet në njoftimin e policisë së Kosovës.
