Policia Rrugore e Tiranës ka bërë bilancin e javës që lamë pas. Sipas njoftimit të rrgores së kryeqytetit mësohet se 16 shtetas janë arrestuar dhe proceduar për drejtim automjeti, në gjendje të dehur, pa leje drejtimi, dhe për shkelje të rregullave të qarkullimit rrugor. Ndërkohë, me masë administrative janë ndëshuar 702 drejtues mjetesh, për përdorim të celularit gjatë drejtimit të mjeteve.
2,567 drejtues mjetesh janë ndëshkuar për mosvendosje të rripit të sigurimit, si dhe janë vendosur 297 masa administrative, për parakalime të gabuara. Gjithashtu, javën që lamë pas janë bllokuar 17 automjete.
Njoftimi i plotë:
Vijojnë kontrollet e shtuara në të gjitha akset rrugore, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore si dhe për rritjen e parametrave të sigurisë rrugore, në kryeqytet.
▫️Gjatë javës që lamë pas 16 shtetas janë arrestuar dhe proceduar për drejtim automjeti, në gjendje të dehur, pa leje drejtimi, dhe për shkelje të rregullave të qarkullimit rrugor.
▫️Janë ndëshkuar me masë administrative 702 drejtues mjetesh, për përdorim të celularit gjatë drejtimit të mjeteve.
▫️ 309 drejtues mjetesh janë ndëshkuar për mosdhënie përparësie këmbësorëve, në vija të bardha.
▫️ 2,567 drejtues mjetesh janë ndëshkuar për mosvendosje të rripit të sigurimit.
▫️Janë vendosur 297 masa administrative, për mosvendosje të kaskës mbrojtëse, nga drejtuesit e motomjeteve.
▫️Janë vendosur 297 masa administrative, për parakalime të gabuara.
▫️ Janë bllokuar 17 automjete.
