Një i ri 23-vjeçar u sulmua dhe u vra nga një peshkaqen teksa pushonte në resortin turistik të Hurghada-s në Egjipt.
Gazeta BILD shkruan se viktima ishte vetëm 6 metra larg kur u sulmua nga peshkaqeni tigër. Në video megjithatë duket sikur distanca është më e largët.
Viktima, Vladimir Popov, dëgjohet në video duke thirrur: Baba, baba, më shpëto! Por as babai Juri dhe askush nga të pranishmit nuk mund të bënte asgjë.
“Ndodhi shumë shpejt, brenda 20 sekondash,” tha babai i tronditur për median ruse.
Sipas medieve ruse, i riu ishte zhvendosur me babain e tij nga Rusia për në Egjipt prej disa muajsh. Konsullata ruse tha se ai nuk ishte turist, por një banor i përhershëm i Egjiptit.
