46-vjeçari, Aleko Myrtollari, që plagosi me thikë bashkëshorten, është lënë në burg nga Gjykata e Korçës.
Ngjarja ndodhi mbrëmjen e së shtunës ku 46-vjeçari plagosi rëndë me thikë gruan e tij Marjola Myrtollari.
46 vjeçari ka shprehur pendesë për krimin teksa ka thënë se nuk duhet ta kishte bërë këtë gjë për nënën e fëmijëve të tij. Përpara gjykatësit, ai ka pranuar se veprimin e ka kryer nga xhelozia.
“Kam qëndruar 7 muaj në Gjermani. Ika në Francë. Ju dërgoja para në shtëpi por kur erdha në shtëpi nuk i gjeta familje të rregullt. Fëmijët ishin të paedukuar dhe çupa nuk shkonte në shkollë. E bëra për xhelozi. Bëra veprim të nxituar për nënën e tre fëmijëve”, ka thënë 46 vjeçari në gjykatë.
Çifti Myrtollari kishin më pak se një muaj që ishin vendosur në një pallat në lagjen nr 10 të Korçës. Mësohet se Aleko Myrtollari ishte i papunë dhe nën efektin e alkoolit debantonte shpesh me të shoqen.
