Mbledhja e Kryesisë së PD-së mbrëmjen e djeshme është shoqëruar me debate dhe incidente, pasi në ambientet ku zhvillohej mbledhja erdhën disa nga mbështetësit e Lulzim Bashës. Edhe pas mbledhjes së Kryesisë së PD-së, duket se gjakrat nuk janë shuar. Debatet e nxehta vijojnë edhe jashtë sallës, e madje këto vërejtje janë diskutuar edhe në emisionin “Open” në “News24”.
Anëtari i Kryesisë, Gazment Koduzi, nuk ka qenë me të njëjtën linjë mendimi me deputetin Dashnor Sula, ku dhe patën përplasje lidhur me qëndrimet e tyre. Koduzi tha se brenda sallës gjithçka ka qenë e qetë, dhe se diskutimet kanë vijuar normalisht. Kjo nuk është mbështetur nga deputeti Dashnor Sula, i cili u shpreh se tonet jashtë sallës kanë qenë aq të larta sa kanë ndikuar edhe brenda ambienteve.
Pjesë nga diskutimi në studio:
Sefa: Në mbledhje Kryesie ka pasur gjithmonë debat. Dje vetëm 2 anëtarë nuk kanë folur, të gjithë kanë folur nga 2-3 herë. Në fund po t’i analizosh të dy propozimet, janë aq afër sa nuk do e besoni. Në mbledhje nuk ka hyrë njeri.
Sula: Dy herë është hapur dera. Mos gënje.
Koduzi: Do të bësh viktimën tani, ty s’të tremb njeri. Ishte Visha që tha si jeni. Ne brenda sallës ishim të qetë.
Sula: Problemi është që nuk i falet zotërinjve që kanë inskenuar grupimet e i sollën aty. Këtë po them unë.
Koduzi: Kush na ngacmoi ne?
Sula: Jo po të vinin të na hiqnin pantallonat.
Koduzi: Nuk të ngacmoi njeri brenda.
Sula: Më ngacmoi jashtë.
Koduzi: Mos bëj viktimën kot.
Sula: Mos u bëj qesharak. Jashtë tonet ishin shumë të larta. Në fillim ishte shumë e qetë situata. Nga ora 12:00 i erdhi ultimatumi edhe u thanë na e morën, si tek filmi “Çifti i lumtur” ma morën djalin.
Disa prej anëtarëve të Kryesisë, kanë vendosur që ta braktisin mbledhjen, pasi nuk kanë rënë dakord për zgjedhjen e kryetarit të ri të PD-së më 29 korrik.
