Ish-deputeti i PD Klevis Balliu shprehet i bindur se banorët e Unazë së re në Tiranë nuk votuan për Erion Veliajn në 14 maj por për Belind Këlliçin.
Në një intervistë për Euronews Albania, Balliu u shpreh se ministrja e shtetit, Elisa Spiroali ka shpifur në Kuvend për banorët e unazës, që sipas tij, jo vetëm nuk e votojnë PS, por kjo parti nuk organizon dot as takime në atë zonë.
“Spiropali në mënyrë të pafytyrë ka shpifur sot në Kuvend për banorët e Unazës dhe Astirit. Ajo deklaronte se Erion Veliaj, që hodhi gaz lotsjellës ndaj banorëve të Unazës, ka marrë votat e tyre. Jo vetëm që nuk i ka marrë votat, por në çdo palë zgjedhje dalin 600 vota minus, në zonën e Astirit janë 1800 vota më pak.
Ata qytetarë nuk e votojnë qeverinë, pavarësisht presioneve që u kanë bërë. Ata banorë kanë votuar për Belind Këlliçin. PS nuk bën dot as takime në Unazën e Re”, tha Balliu.
