Më shumë se 30 banorë të fshatit Gjoricë të Bulqizës, janë paraqitur në ambjentet e spitalit me shenja helmimi, ndërsa sot është zbuluar dhe shkaku i këtij helmimi masiv.
Pas hetimeve të policisë dhe prokurorisë në bashkëpunim me AKU-në rajonale, u zbulua se ishin përzier ujërat e pijshëm me ujërat e zeza në fshatin Gjoricë.
Sipas policisë, kjo ndodhi për shkak të montimit të një tubi plastik nga 64-vjeçari, Kadri Muça, pronar i një HEC-i lokal në atë zonë.
Ndaj 64-vjeçarit nisi procedim penal, pasi akuzohet për veprën penale “Ndotja e ajrit, e ujërave dhe e tokës”.
Ndërkohë pasi morën ndihmën mjëkësore, të gjithë banorët u larguan në banesat e tyre dhe ndodhen në gjendje të mirë shëndetësore.
