Një ngjarje e rëndë ka ndodhur mbrëmjen e së dielës në Korçë.
Shtetasi i identifikuar si Aleko Myrtollari ka qëlluar disa herë me thikë gruan e tij, Marjola Myrtollari, 36-vjeçe, i cila ndodhet në spital në gjendje kritike për jetën.
46-vjeçari pasi ka kryer krimin është larguar nga vendi i ngjarjes, ndërsa policia ka nisur punën për kapjen e tij.
Sipas raportimeve të para mediatike, bëhet me dije se Aleko Myrtollari e ka qëlluar me thikë bashkëshorten e tij për shkaqe xhelozie. Gruaja ka marrë plagë në disa pjesë të trupit, ndërsa ka qenë vajza 16-vjeçare ajo që e ka gjetur të plagosur nënën e saj dhe më pas ka lajmëruar policinë.
Sipas të dhënave, çifti jetonte me qira, ndërsa kishin konflikte për motive xhelozie, pasi autori dyshonte të gruaja e tij për tradhti.
- Çfarë njoftoi policia për ngjarjen e rëndë?
“Më datë 04.06.2023, rreth orës 22:00, në lagjen nr.10, Korçë, në banesë shtetasi Aleko Myrtollari., rreth 46 vjeç, ka plagosur me mjet të mprehtë (thikë) bashkëshorten e tij shtetasen Marjola Myrtollari., rreth 38 vjeçe, e cila ndodhet në spitalin e Korçës, në gjendje të rëndë shëndetësore.
Shërbimet e Policisë menjëherë pas marrjes së njoftimit, kanë shkuar në vendngjarje, kanë rrethuar zonën dhe po vijojnë krehjen e saj. Gjithashtu janë ngritur pika kontrolli me qëllim kapjen e autorit të dyshuar shtetasit Aleko Myrtollari., i cili pasi ka plagosur bashkëshorten e tij është larguar nga vendi i ngjarjes.
Grupi hetimor nën drejtimin e Prokurorisë po punon për sqarimin e plotë të rrethanave të ngjarjes”
- Pamje nga vendi i ngjarjes:
Korçë, plagos gruan me thikë, bashkëshorti në kërkim nga policia/Emri
