Kryeministri Edi Rama ka reaguar me një postim në Twitter pas deklaratës së Josep Borrell se do të ketë pasoja për Kosovën dhe Serbinë nëse nuk ulin tensionet.
Teksa ka rishpërndarë deklaratën e Borrell, Rama deklaron se BE nuk mund të ishte më e qartë se kaq, ndërsa vazhdimi i këtij mosplani absurd duke vendosur policinë për të mbrojtur ndërtesat boshe e ushtrinë në kufirin e një vendi tjetër.
“BE-ja nuk mund të ishte më e qartë! Vazhdimi i këtij mosplani absurd duke vendosur policinë për të mbrojtur ndërtesat boshe në të cilat zyrtarët e zgjedhur nuk mund të hyjnë, dhe nga ana tjetër, vendosja e trupave të ushtrisë për të kënduar në kufirin e një vendi tjetër nuk mund të ishte më vetëshkakuese dhe më pak evropiane.
Shpresoj shumë që Kosova jonë vëllazërore dhe Serbia mike do ta zgjidhin këtë konflikt përpara se BE-ja të zbatojë masa të forta kundër tyre. Ata duhet të veprojnë shpejt dhe të kuptojnë se përmbushja e kërkesave të BE-së do të thotë kthim në vete si shtete evropiane përgjegjëse,” tha Rama.
EU couldn’t be clearer! Continuing with this absurd non-plan by deploying police to protect empty buildings that elected officials cannot enter, and on the other hand, deploying army troops to chant at the border of another country couldn’t be more self-inflicting & less European pic.twitter.com/tX1p2PdeRX
— Edi Rama (@ediramaal) June 3, 2023
