Policia maqedonase në bashkëpunim me atë greke kanë kapur 161 kilogramë kokainë të cilësisë së lartë në portin e Selanikut, që kanë dashur t’i kontrabandojnë shtetas grekë, shqiptar dhe maqedonas.
Droga ka qenë e trafikuesve tashmë të arrestuar në një aksion të mëparshëm.
Lënda narkotike u gjet me ndihmën e qenve nuhatës dhe mjeteve digjitale. Lënda narkotike ishte vendosur në dyshemenë e disa kontejnerëve të krijuara në mënyrë të veçantë për këtë dërgesë. Gjithsej 100 pako kokaine ishin fshehur në kontejnerë.
Hetimi është bërë në bashkëpunim me DEA-n amerikane dhe qendrën për zbatimin e ligjit në Evropën Juglindore – SELEK.
