Guvernatori i rajonit të Belgorodit, Vyacheslav Gladkov, tha se ka patur të vrarë dhe të plagosur nga sulmet ukrainase në kufirirn rus.
Gladgov tha se dy gra ishin goditur nga mbetjet e një bombë teksa po udhëtonin me makinë afër fshatit Maslova Pristan dhe si pasojë, kishin mbetur të vdekura në vend.
Zyrtarët e rajoneve fqinje, Bryansk dhe Kursk, thanë së ndërtesat janë dëmtuar si pasojë e një sulmi me drone gjatë natës. Ndërkohë, zyrtarët ukrainas nuk kanë bërë asnjë koment për këtë ngjarje. Në Belgorod, Gladkov tha se dy udhëtues të tjerë kishin mbetur të plagosur rëndë nga mbetjet e predhave, teksa udhëtonin me makinë.
