Azilkërkuesit shqiptarë që preken nga ligji i ri i ashpër i emigracionit në Britaninë e Madhe kanë një motiv për të qëndruar të qetë përkohësisht, pasi deportimi për në Ruanda po shkon drejt dështimit.
Kjo pasi, stafi i Home Office dhe Forcave Kufitare kanë paralajmëruar se do të nisin grevat nëse u kërkohet të mbështesin planet e ashpra të qeverisë për emigracionin.
PCS, e cila ka dhjetëra mijëra anëtarë, i është bashkuar tashmë veprimeve ligjore kundër skemës së Ruandës, e nënshkruar me një kosto prej 120 milion £ për buxhetin e Britanisë së Madhe.
PCS është gjithashtu kundër projektligjit të imigracionit të paligjshëm, i cili do t’i ndalojë të ardhurit me gomone të aplikojnë për të qëndruar në bazë të ligjit për skllavërinë moderne ose konvestës së të drejtave të njeriut.
Reklama e mediave sociale do të shfaqet kryesisht në Shqipëri. Një reklamë tregon policinë që ndalon një emigrant, ndërsa një tjetër tregon një gomone të mbushur plot.
Ndërkohë, ministri i Emigracionit Robert Jenrick do të nisë një ‘tur emigracioni’, duke vizituar këtë javë Algjerinë, Tunizinë, Italinë dhe Francën.
