Autoritetet kanë nisur hetimet lidhur me një video është publikuar një ditë më parë nga “JOQ”, që raporton se në të shfaqet përdhunimi i një vajze.
Pamjet për arse etike janë publikuar të padallueshme për lexuesit, megjithatë portali shkruan se një i ri i ka kërkuar nipit të tij ta filmojë teksa ai përdhunon një vajzë.
“Vajza ulëret që ai të ndalojë, por është e pamundur. Ndërkohë nuk mungojnë të sharat nga i riu që quhet Klodi. Vajza e gjendur në dhunën e të riut e ka të pamundur të bëjë diçka, teksa Klodi kryen marrëdhënie seksuale. Ngjarja dyshohet të ketë ndodhur në fshatrat e Shkodrës. Nuk dihet koha se kur është bërë videoja, por është hera e parë që këto pamje kanë mbërritur në redaksinë tonë”, thuhet më tej në raportim.
Një ditë pas publikimit të videos, Policia ka konfirmuar nisjen e një hetimi.
“Strukturat hetimore të Policisë së Shtetit, sapo janë njohur me një video të publikuar në portalin JOQ, në të cilën shfaqet një shtetas që kryen marrëdhënie seksuale me dhunë me një shtetase, duke u filmuar nga një shtetas tjetër, janë vënë menjëherë në lëvizje dhe vijon puna hetimore për përcaktimin e vendit dhe kohës kur ka ndodhur ky rast, si dhe për identifikimin dhe kapjen e shtetasve përgjegjës. Ndërkohë, strukturat hetimore të Policisë së Shtetit kanë administruar në cilësinë e provës materiale, videon origjinale të dërguar në portalin JOQ. Policia e Shtetit fton qytetarët që kushdo që ka informacion mbi këtë rast, të telefonojë në numrin pa pagesë 112, duke iu garantuar anonimat të plotë”, thuhet në një njoftim të policisë për rastin.
Video +18
I riu filmon përdhunimin e një vajze, kërkohet reagimi i policisë. pic.twitter.com/zLIo31d2eb
— JOQ Albania (@JoqAlbania) May 29, 2023
