Titulli i Bundesligës për sezonin 2022/23 vendoset në javën e fundit të saj, midis Borussia Dortmund dhe Bayern Munich, me të dyja skuadra që luftojnë në distancë.
Tashmë janë mbyllur edhe pjesët e para të sfidave me Bayern Munich që është vetëm 45 minuta larg titullit kampion.
Bavarezët aktualisht po fitojnë 0-1 në transfertë ndaj Koln.
Në minutën e 8-të, një asistim i Sane u shndërrua në gol fantastik nga Coman.
Nga ana tjetër, rivalët e tyre të Dortmund, po humbasin në shtëpi 0-2 ndaj Mainz.
Direkt pas golit të parë nga miqtë, VAR ka sinjalizuar një penallti për verdhezinjtë, por Sebastian Haller ka gabuar nga pika e bardhë pasi portieri kundërshtar e ka pritur.
Më pas në minutën e 24-t, miqtë realizuan edhe golin e dytë duke i dhënë një goditje të rëndë Dortmund në shpresat për titullin kampion.
Kujtojmë që Dortmundit i duhej fitorja për tu shpallur kampion, pavarësisht rezultatit në ndeshjen Koln-Bayern, ndërsa pasditja e sotme po rezulton një makth i vërtetë për skuadrën e drejtuar nga Edin Terzić.
