Një 63-vjeçar është proceduar ditën e sotme në Grmash, pasi është kapur duke transportuar dru të prera në mënyrë të paligjshme.
Blutë bëjnë me dije se ka nisur procedimi për shtetasin me iniciale, S.H, 63 vjeç.
Njoftimi i policisë:
Policia e Gramshit ka ndaluar një kamion i cili po transportonte, 7 m3 dru të prera në mënyrë të kundërligjshme, si dhe ka nisur procedimin në gjendje të lirë për shtetasin me iniciale S. H. 63 vjeç.
Vijojnë kontrollet për parandalimin, evidentimin dhe goditjen e krimeve mjedisore.
Evidentohen dhe goditen 2 raste të ndërtimeve të paligjshme dhe 1 rast i prerjes së paligjshme të pyjeve. Sekuestrohen 7m3 dru.
Specialistët për Hetimin e Krimeve të Komisariatit të Policisë Gramsh referuan materialet në Prokurori dhe nisi procedimi në gjendje të lirë për shtetasin S. H., 63 vjeç, pasi u kap nga shërbimet e Policisë, duke transportuar me një kamion, 7 m3 dru të prera në mënyrë të kundërligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
