Pasi gjykatat e posaçme, ajo e shkallës së parë dhe e apelit i refuzuan ndryshimin e masë së sigurisë arrest me burg në mungesë, nga arratia Suel Çela i njohur edhe me emrin Marjus Lulaj i është drejtuar me rekurs Gjykatës së Lartë.
Çela ka kërkuar masë më të lehtë sigurie, megjithëse ai nuk ndodhet në burg aktualisht, por në arrati.
Kujtojmë se Suel Çela ndodhet në arrati që prej vitit 2022, kur u shpall në kërkim dhe megjithëse janë bërë disa tentativa për arrestimin e tij, kjo gjë nuk është bërë e mundur.
Ende nuk është caktuar një datë kur do të shqyrtohet rekursi i paraqitur përmes avokatit nga “i forti” i Elbasanit për arrestimin e të cilit janë kryer disa operacione policore por pa sukses.
Ai akuzohet nga SPAK për porositjen e një atentati të dështuar ndaj një biznesmeni në liqenin artificial në Tiranë por dhe eliminimin e një tregtari automjetesh në Elbasan.
