Shoqëria Rajonale Ujësjellës Kanalizime Durrës (SHRUKD) njofton abonentët se gjatë ditës së sotme dhe nesër mund të ketë probleme në furnizimin me ujë të qytetit dhe zonës së fshatrave.
SHRUKD po punon për riparimin e difektëve në tubacionin DN 700 mm që vjen nga stacioni i pompave në Fushë Kuqe dhe që furnizon fshatrat dhe një pjesë të qytetit.
Nga mëngjesi i ditës së sotme, grupi i avarive ka nisur punën për riparimin e difekteve në Tarin, Lukje, Shkafane dhe Xhafzotaj. Këto janë difekte të planifikuara dhe po kryhen në kuadër të masave për reduktimin e humbjeve në mënyrë që të përmirësohet sasia e ujit që vjen nga burimi i Fushë Kuqes.
