Polcia italiane ka arrestuar ditën e sotme një 50-vjeçar shqiptar psi akuzohet për shpërndarje të lëndëve narkotike.
Mediat e huaja bëjnë me dije se shqiptari vëzhgohej prej kohësh nga policia, pasi dyshohej se drejtonte një biznes të trafikut të drogës, veçanërisht kokainës.
Mësohet se shqiptari është pikasur teksa po udhëtonte me një ‘Fiat Panda’ të marrë me qira, dhe po dërgonte drogën në banesat e klientëve të cilët i furnizonte me kokainë. Ai u kap teksa i jepte një dozë kokaine njërit prej blerësve tij.
Pas kontrollit të mjetit të shqiptarit, policia gjeti të fshehura në të, nëntë doza kokainë dhe 120 euro cash, të cilat konsideroheshin si të ardhura të veprimtarisë së paligjshme, teksa në kontrollin që iu bë në shtëpi u gjetën rreth 4 mijë euro.
