Autori i dyshuar i vrasjes në Kavajë, Habib Rexha, 31 vjeç, dyshohet se e kishte vëzhguar 48-vjeçarin Arian Gosa prej disa kohësh.
Raportohet se autori i krimit nuk e ka njërën dorën, konkretisht dorën e djathtë. Për këtë arsye vrasjen e ka kryer me dorën e majtë. Ky detaj e ka ndihmuar grupin hetimor edhe në identifikimin e tij.
Po ashtu mësohet se Habib Rexha ka zbritur nga një automjet tip volkswagen, i maskuar me kapuç, ndërsa pasi ka kryer krimin ai e ka hequr kapuçin.
Policia po punon për kapjen e tij ndërsa janë përqendruar në veri të vendit. Grupi hetimor ka dyshime të forta se autori mund të jetë arratisur drejt Kukësit.
