Një 43-vjeçar shqiptar ka humbur jetën në një aksidnet rrugor në Itali.
Mediat italiane raportojnë se bëhet fjalë për shtetasin Dritan Mera.
Raportohet se makina me të cilën udhëtonte u përplas me një pemë në Borgonovo, në provincën e Piacenzas. Ngjarja është regjistruar më 19 maj, por është raportuar sot nga mediat lokale.
43-vjeçari shqiptar e ka kaluar mbrëmjen në shoqërinë e miqve të tij në një lokal në zonë, ndërsa më pas, teksa largohej prej aty, ka humbur kontrollin e makinës, një “Peugeot 308” dhe ka dalë nga rruga, duke u përplasur me një pemë.
Përplasja ka qenë e fortë duke i shkaktuar vdekjen shqiptarit. U desh ndërhyrja e zjarrfikësve për ta nxjerrë nga makina. Ndërkohë kanë nisur hetimet për shkaqet e aksidentit.
