Mesditën e sotme para gjykatës së Elbasanit ka dalë për t’u njohur me masën e sigurisë, 58-vjeçari Tefik Tashi, i cili i mori jetën duke e goditur me sëpatë, kunatës së tij, Alma Qevani.
Tashi hyri me sytë dhe kokën ulur në kafazin e xhamit, ku togat e zeza i komunikuan masën “arrest në burg” për ngjarjen e dy ditëve më parë.
Përpara grupit hetimor Tashi ka deklaruar se e vrau kunatën e tij pasi ajo kishte ditë që nuk e lejonte bashkëshorten e autorit të shkonte në shtëpinë ku jetonin së bashku.
Kjo ka qenë pikënisja e konfliktit që përfundoi në tragjedi. Gjithashtu përpara hetuesve Tafik Tashi ka pohuar se kunata e tij Alma e ofendonte shpesh, sidomos kohët e fundit duke i thënë se është impotent.
“Kishte kohë që më ofendonte nuk munda ta duroj dot, ma thoshte sa herë madje edhe në prani të familjarëve fjalën impotent”, është shprehur Tashi.
Kujtojmë se 58-vjeçari ishte i dehur kur kreu krimin makabër në fsahtin Kusarth. Fillimisht mes të dyve ka pasur një debat verbal, teksa situata është tensionuar dhe me sëpatën që kishte në dorë qëlloi drejt 44-vjeçares.
Autori u pikas nga efektivët teksa vraponte me sëpatën dhe duart me gjak, në afërsi të fshatit Shirgjan dhe u arrestua.
Babai i viktimës, Fatmiri tregoi në emisionin “Me zemër të hapur” se disa ditë para ngjarjes së rëndë, kanë pasur debate të forta mes tyre.
