Një 55-vjeçar është plagosur me thikë këtë të shtunë në Vlorë. Autori, një 49-vjeçar, është arrestuar.
Ngjarja në fshatin Novoselë, sipas bluve, ka ardhur në vazhdën e një konflikti për motive të dobëta.
“Shërbimet e Komisariatit të Policisë Vlorë në bashkëpunim me Forcën e Posaçme ‘Shqiponja’, pas informacioneve të marra për një konflikt me mjete prerëse në fshatin Novosel, gjatë të cilit ishte plagosur me mjet prerës shtetasi A. Q., 55 vjeç, menjëherë kanë organizuar punën për identifikimin dhe kapjen e autorit të dyshuar. U bë identifikimi dhe shoqërimi i autorit të dyshuar shtetasit A. M., 49 vjeç, banues në fshatin Akërni, i cili gjatë një konflikti për motive të dobëta, ka goditur me mjet prerës (thikë) shtetasin A. Q, i cili ndodhet në spital, nën kujdesin e mjekëve. Gjithashtu u bë i mundur gjetja dhe sekuestrimi i mjetit prerës (thikë), e dyshuar e përdorur nga autori në këtë ngjarje”, njoftoi policia.
Grupi hetimor në bashkëpunim me Prokurorinë vijonë veprimet për sqarimin dhe dokumentimin e plotë të rrethanave të ngjarjes, shtuan të njëjtat burime.
