Një aksident ka ndodhur pasditen e kësaj të Premte në aksin rrugor Vlorë-Fier.
Blutë bëjnë me dije se një makinë në ecje ka humbur kontrollin dhe ka dalë nga rruga.
Nga aksidenti ka mbetur 1 person i plagosur, i cili është dërguar në spital për të marrë ndihmë mjekësore.
Njoftimi i Policisë:
Vlorë/Informacion paraprak Sot, rreth orës 15:50, në autostradën Vlorë-Fier, shtetasi K. L., 33 vjeç, duke drejtuar automjetin tip “Ford”, ka humbur kontrollin mbi drejtimin e mjetit dhe ka dalë nga rruga. Si pasojë e aksidentit ky shtetas ka ngelur i dëmtuar dhe ndodhet në spital, nën kujdesin e mjekëve. Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
