Pas humbjes në zgjedhjet e 14 majit, kryetari i PL-së, Ilir Meta deklaron se do të nisë procesi zgjedhor për kontestimin ligjor.
Meta thotë se ka fakte të reja tronditëse që dokumentojnë sesi mafia nën komandën e Ramës ka shkatërruar procesin zgjedhor.
“Çdo orë, çdo minutë, fakte të reja tronditëse vijnë dhe dokumentohen sesi mafia nën komandën e Edi Ramës shkatërroi procesin zgjedhor, standardet e të cilit ishin zeruar nga vetë Edi Rama përpara se të niste ky proces.
I gjithë ky shkatërrim i procesit zgjedhor, i tjetërsimit të votës së lirë të qytetarëve shqiptarë, jo vetëm po dokumentohet, por njëkohësisht do të fillojë dhe procesi i kontestimit ligjor”, shkruan Meta krahas videos.
