Komisioneri Ilirjan Celibashi ka nxjerr një urdhër, ku u kërkon të gjitha qendrave të votimit që të vazhdojnë pa ndërprerje procesin e numërimit të votave për këshillin bashkiak.
Celibashi shkruan se veprimet apo mosveprimet e anëtarëve/sekretarit të KZAZ-ve dhe të anëtarëve të GNV-ve, përfshirë ngadalësimin e procesit të numërimit, konsiderohen shkelje e pikës 5, të nenit 119 të Kodit Zgjedhor, dhe përbëjnë shpërdorim detyre në përputhje me nenin 248 të Kodit Penal dhe materiali kallëzues dërgohet menjëherë në Prokurorinë e Rrethit Gjyqësor përkatës.
E PLOTË:
URDHËR PËR VAZHDIMIN NË MËNYRË TË PANDËRPRERË TË PROCESIT TË NUMËRIMIT TË TË GJITHA KUTIVE TË VOTIMIT PËR KËSHILLIN E BASHKISË, PËR ZGJEDHJET PËR ORGANET E QEVERISJES VENDORE TË DATËS 14 MAJ 2023
URDHËROJ:
- Komisionet e Zonës së Administrimit të Zgjedhjeve (KZAZ-të) dhe Grupet e Numërimit të Votave (GNV-të) të vijojnë procesin e numërimit të kutive të votimit për këshillin e bashkisë në mënyrë të pandërprerë.2.
- Veprimet apo mosveprimet e anëtarëve/sekretarit të KZAZ-ve dhe të anëtarëve të GNV-ve, përfshirë ngadalësimin e procesit të numërimit, konsiderohen shkelje e pikës 5, të nenit 119 të Kodit Zgjedhor, dhe përbëjnë shpërdorim detyre në përputhje me nenin 248 të Kodit Penal dhe materiali kallëzues dërgohet menjëherë në Prokurorinë e Rrethit Gjyqësor përkatës.
- Ngarkohen KZAZ-të dhe GNV-të për zbatimin e këtij urdhri. Ky urdhër hyn në fuqi menjëherë.
Komisioneri Shtetëror i Zgjedhjeve
