Materiale propagandistike të Partisë Socialiste dhe të kandidatit të saj Erion Veliaj janë konstatuar pranë qëndrës së votimit tek shkolla Harry Fultz në Tiranë, në shkelje të ligjit zgjedhor.
Për këto materiale ishte bërë denoncim në KQZ, por ato u hoqën vetëm këtë mëngjes, pas nisjes së procesit të votimit dhe raportimeve mediatike për rastin.
Komisioneri Shtetëror i Zgjedhjeve vendosi mbrëmjen e djeshme heqjen e menjëhershme të të gjitha materialeve propagandistike të subjekteve zgjedhore nga të gjitha ekranet LED Wall në distancë më të vogël se 300 metra nga selitë e QV-ve, KZAZ-ve dhe VNV-ve.
Vendimi ngarkoi subjektet zgjedhore, Policinë e Shtetit dhe policitë bashkiake për zbatimin.
Por në këtë rast, duket se as nga PS, as nga policia e as nga Bashkia ‘s’ja ka varur’ urdhërit të Celibashit.
