Ilkay Gundogan shënon dy gola dhe Halaand shton një tjetër për suksesin e lehtë të Manchester City në transfertën e Liverpool kundër Everton.
Parashikohej e vështirë por nuk rezultoi kështu për kampionët në fuqi të cilët janë rikthyer në 4 pikë diferencë me Arsenalin ndjekës kur kanë ngelur edhe 3 javë deri në fund të sezonit.
Mjafton që në këto tre sfida, skuadra e Pep Guardiolës të sigurojë minimalisht dy fitore për të hipotekuar titullin e nëntë të historisë së bardhekaltërve që të mërkurën do të presin Real Madrid për të kërkuar biletën e finales së Champions League.
Ndërkohë, Erling Halaand regjistroi golin e 52 sezonal në të gjithë kompeticionet.
