Një shkelje e hapur e Kodit Zgjedhor u kap live në kamerat e televizionit Top Channel, në bashkinë e Lushnjës.
Dy të rinj, të cilët më pas pretenduan se janë vëllezër iu drejtuan së bashku kutisë së votimit, duke shkelur rregullin kryesor, që është fshehtësia e votës.
Dy gjimnazistët votuan sot për herë të parë të parë në gjimnazin “18 Tetori”, ndërsa në një prononcim për gazetaren, ata treguan se kanë ardhur të votojnë me ‘mik’.
Madje, vëllezërit nuk ishin të informuar me rregullat e procesit të votimit, pasi treguan indiferencë totale kur iu vu në pah se qëndruan së bashku më dhomën e fshehtë.
Pjesë nga biseda:
Gjimnazisti: Po, për herë të parë.
Sa e rëndësishme është për ju vota?
Gjimnazisti: Nuk është aspak. Kemi ardhur me mik, nuk është se na intereson shumë.
Ju shkuat të dy në kutinë e votimit për të votuar së bashku, e di që nuk lejohet? Nuk lejohen dy persona, vota është e fshehtë.
Gjimnazisti: Nuk ka lidhje. Ne jemi vëllezër.
