Një aksident me vdekje ka ndodhur në rreth orës 18:00, në aksin rrugor “Divjakë-Gradishte”.
Policia njoftoi se në vendin e quajtur “Mëhallëz”, automjeti tip “Benz” me drejtues shtetasin Q. Ç., 56 vjeç, banues në Divjakë, është përplasur me motomjetin me drejtues Bashkim Elezin, 40 vjeç, banues në Kamenicë, Divjakë.
Si pasojë e përplasjes ka ndërruar jetë Bashkim Elezi.
Shtetasi Q.Ç. është shoqëruar në Komisariat për kryerjen e veprimeve të mëtejshme procedurale, ndërsa grupi hetimor po punon për përcaktimin e shkakut të aksidentit, shtuan të njëjtat burime.
