Bastisja nga policia e një lokali të premten në Vicenza të Italisë çoi në arrestimin e 1 shqiptari për shitje të lëndëve narkotike, ndërsa u proceduan penalisht dy bashkombas të tij dhe një kinez.
Të katërt sipas mediave italiane ishin me qëndrim të rregullt në shtetin fqinj.
Hetimi kishte nisur muajt e fundit kur hetuesit mësuan se Bar Palazzetto në lagjen Anconetta përdorej si vendtakim për subjektet e rrezikshme, kushtuar tregtimit dhe konsumimit të llojeve të ndryshme të drogës.
Vendi u konstatua se ishte për kryerjen e veprimtarive kriminale, qoftë vetëm për të krijuar dhe menaxhuar kontakte midis tregtarëve të drogës dhe klientëve të varur nga droga që janë bërë tregtarë të vegjël droge në mënyrë që të mund të blejnë vetë drogën.
Policia ushtroi kontrolle në banesat e shqiptarëve (K.E 44-vjeç, K.I 21-vjeç dhe K.E, 34-vjeç) dhe kinezit që ishte dhe menaxher i lokalit (L.Q, 41 vjeç), të gjitha në lagjen Anconetta, si dhe në lokal.
Veprimtaria e policisë gjyqësore ka lejuar hetuesit të vërtetojnë hipotezat akuzuese ndaj të dyshuarve.
Policia gjeti dhe sekuestroi 88.000 euro cash, të ardhura nga pazari i drogës; 373 gram kokainë; 481 gram hashash; 2137 gram marijuanë; peshore precize, lëndë prerëse, material për paketimin e lëndëve narkotike.
Dozat tashmë ishin të paketuara dhe gati për t’u shitur.
Në përfundim të operacionit, K. E., 34-vjeçari shqiptar, është arrestuar për posedim me qëllim shitjen e një sasie të madhe droge, ndërsa 3 bashkëpunëtorët e tjerë janë denoncuar në Prokurori për të njëjtën vepër.
Në përfundim të procedurave, K. E. është shoqëruar në burgun e Vicenzës në dispozicion të organeve të drejtësisë.
Po kështu ju dhanë udhëzime zyrës së emigracionit për nisjen e procesit, paralelisht me atë gjyqësor, për dëbimin e 4 shtetasve të huaj nga territori i Italisë.
