Shumë bashki në vend që u goditën nga tërmeti i 26 nëntori të vitit 2019, u përfshinë në skemën e Rindërtimit, duke përfituar miliona euro për investime që do të përmirësonin jetën e banorëve të prekur nga kjo fatkeqësi natyre.
Një ndër bashkitë që përfitoi ishte edhe Shijaku i drejtuar nga Elton Arbana. Plot 6 milionë dollarë ishte fondit që u akordua për rindërtimin e banesave të qytetarëve të Shijakut.
Por, ashtu si i gjithë procesi edhe në këtë bashki duket se abuzimet me fondet kanë qenë të mëdha.
Më së miri këtë e tregon një video e publikuar në Facebook nga kryedemokrati Sali Berisha. Sipas denoncuesit aty shihet një kabull i linjës së tensionit të lartë të energjisë, që është shtrirë mes për mes apartamenteve në një pallat të ndërtuar rishtazi me fondet e post-tërmetit.
“Këtij i thonë ndërtim! Kabelli i tensionit te larte kalon mes për mes pallatit te sapo ndërtuar me fondet e tërmetit ne Shijak. Zoti na ruajte!”, thuhet në mbishkrimin që shoqëron videon.
Sakaq vlen të theksojmë se abuzimet me fondet që janë dhënë për rindërtimin e shtëpive të dëmtuara pas tërmetit shkojnë deri në 1.1 miliardë lekë sipas një auditi të KLSH-së.
Shkeljet me tenderat që u zbuluan, tregojnë se bashkitë kanë shpallur fitues kompani që nuk kanë plotësuar kriteret e nevojshme të prokurorimit.
