Në shumicën e bashkive të vendit, ku garojnë për një tjetër mandat kryebashkiakët e dalë nga zgjedhjet mono-partiake të vitit 2019, heshtja zgjedhore nuk është respektuar.
Nga Korça, në Selenicë e deri në Lezhë, Kodi Zgjedhor është trajtuar si një dokument i pavlerë, pasi kandidatët e Ramës për zgjedhjet e nesërme nuk i frikësohen aspak sanksioneve ligjore.
Kështu, në Lezhë, Pjerin Ndreut duket se nuk i ka mbaruar ende çakulli elektorat, pasi edhe këtë të shtunë fadroma e kamionët janë parë duke shpërndarë e shtruar rrugë nëpër fshtara, në tentativën e fundit për të rrëmbyer vota duke hedhur hi syve.
Denoncimi për bashkinë e Lezhës është bërë nga vetë banorët, të cilët i kanë kërkuar kryedemokratit Sali Berisha publikimin e pamjeve ku makineritë hedhin zhavorr në rrugica.
Berisha krahas videos së postuar në Facebook bën gjithashtu me dije se njerëzit e Pjerin Ndreut po shpërndajnë edhe pako me ushqime për vota.
