Kryetari i Partisë së Lirisë Ilir Meta ka postuar një sondazh të ‘Terra World’, në të cilin tregohet vlerësimi paraprak i kandidatëve për kryetar Bashkie në Berat.
Në sondazh duket qartë se kryebashkiaku socialist i Beratit, Ervin Demo ka një perceptim negativ rekord te qytetarët në 73.33%.
Përmes një postimi në rrjete sociale, Meta shkruan me bindje se të dielën, nisur nga rezultati i sondazhit, Zija Ismaili kurorëzohet kryebashkiak i Beratit.
Reagimi:
‘Sa më shumë krime zgjedhore kryen kryebashkiaku në ikje, aq më shumë rritet fryma e Ndëshkimit për ata që përmbytën me beton Qytetin muze të UNESCO-s, krenari kombëtare e trashëgimisë tonë kulturore. Edhe dy ditë dhe Dr. Zija Ismaili kurorëzohet si Kryebashkiaku i Beratit dhe ua kthen bashkinë të gjithë qytetarëve të mrekullueshëm të Beratit tonë’.
