Teksa kandidati i koalicionit “Bashkë Fitojmë” për Himarën Fredi Beleri ndodhet në burg për akuzën e shitblerjes së votës, kreu i PBDNJ Vangjel Dule ka mbajtur një takim përmbyllës atje.
Përpara qytetarëve, ai i bëri thirrje kryeministrit Edi Rama që te heqë duart nga Himara dhe nga Beleri. Sakaq shtoi se të hënën Beleri do të jetë kryetar i bashkisë Himarë.
“E akuzonin Fredin se po trafikonte vota,kur ai ishte me avokatin e tij dhe kushëririn e tij. Kam dy paralajmërime. Çdo sekondë që vazhdon ndalimi i Fredi Belerit, është në dëmin individual të tij. Të mos guxojnë të prekin votën e së dielës, se duart që do ta guxojnë do mbeten në kutitë e votimit. Shkojnë shtëpi më shtëpi, në lumin e Vlorës, në Dhërmi, në Palasë dhe thonë se Beleri nuk është kandidatë, është kryetar i bashkisë në 15 Maj”, -tha Dule nga Himara.
Më tej me një mesazh të drejtpërdrejtë për kryeministrin Rama, Dule tha: “Larg duart nga Himara dhe nga Beleri Edi Rama, pazarxhiu”.
