Drejtori i Departamentit për Rendin dhe Sigurinë Publike në Policinë e Shtetit, Rebani Jaupi dha një deklaratë për mediat këtë të premte, ku shpalosi masat e marra nga policia në kuadër të zgjedhjeve të 14 majit.
Në fund të deklaratës, ai u pyet lidhur me arrestimin e Fredi Bejlerit, kandidatit të opozitës për Himarën.
Pa dhënë shumë detaje, Jaupi tha se do të ketë një njoftim nga policia sapo të jetë përgatitur veprimet proceduriale.
“Ajo që mund t’ju them është se është e vërtetë që është shoqëruar. Nën drejtimin e prokurorisë së rrethit Vlorë ka pasur një procedim në ndjekje për këtë do të ketë njoftim sapo të jenë përgatitur veprimet proceduriale”, tha ai.
