Sipas procesverbalit të prokurorisë së Vlorës për arrestimin në flagrancë të Fredi Bejlerit, kandidati i opozitës për Bashkinë e Himarës ka premtuar dhe dhënë para me qëllim blerjen e votës.
Në dokument thuhet se arrestimi i Bejlerit u krye si autor i dyshuar për kryerën e veprës penale të “Korrupsioni aktiv në zgjedhje kryer në bashkëpunim”.
“Ky shtetas (Beleri) është kapur në flagrancë në Himarë më datë 12.05.2023 ora 00:14 minuta bashkëpunim me persona të tjerë, duke premtuar dhe dhënë shuma monetare personave të ndryshëm me qëllim blerjen e votës”, thuhet në procesverbalin e firmosur nga oficeri i policisë gjyqësore Orgert Thoma.
Pamjet e një kamera sigurie treguan se Beleri u ndalua teksa ishte në shoqërinë e tre personave të tjerë në 00:15 minuta të kësaj të premteje. Nga pamjet dukej sikur ata bisedonin mes tyre.
