“E nisi si prostitutë dhe e përfundoi si prostitutë lagjeje”.
Kështu e komentoi në emisionin “Ora e Betit”, Monika Kryemadhi videon e takimit sekret mes Taulant Ballës dhe Lulzim Bashës në dhjetor të vitit të shkuar.
Deputetja e PL-së u rrek të zbardhte edhe motivet e këtij takimi që tregoi se opozitarizmi i Bashës ka qenë fals, duke thënë se arsyeja kryesore ka qenë ligji për Aministinë Fiskale, për të cilin Ramës i duhen 84 vota në Parlament dhe që do të plotësoheshin nga deputetët e grupit Alibeaj.
Sipas tyre pakti Rama-Basha është bërë në Pallatin e Brigadave kundrejt një fature financiare dhe takimi me Ballën ka qenë për formalitet.
“Kjo tregon dhe njëherë që janë shumë të qartë se çfarë ka ndodhur me votën e opozitarizmit në 2021. Një miku im më shkruajti në telefon e më tha:”E nisi si prostitutë mondane dhe e përfundoi si prostitutë lagjeje, prostitutë politike po themi. Ne e kemi ndjerë si histori të tmerrshme, më mirë një fund i tmerrshëm për të sesa një tmerr pafund.
Përse janë takuar? Disa thonë për ti prishur punë opozitës…
Unë mendoj që ka shumë gjëra. Në një këndvështrim mendoj se Basha ka ardhur për të bërë pazarin për amnistinë fiskale. Pra unë do të jap votat për amnistinë fiskale dhe më pas cili do të ishte shpërblimi që do të merrte. Sa i takon “Toyota Yaris” ai ska nevojë të ulet me Taulant Ballën se e ka mbyll me Edi Ramën atë gjë dhe të tjera gjëra. Çfarëdo ti bëjë Taulanti, është histori që e ka të hapur në Belgjikë me drejtësinë belge”, tha ajo.
Sa i përket çështjes së gjyqit për Vulën e PD-së në Apel, qëëë mund të ishte një prej opsioneve që kishin çuar në takimin 60 minutësh kokë më kokë mes ish-kryedemokratit dhe kreut të Grupit Parlamentar të PS, Kryemadhi tha se pazari për këtë mes Ramës e Bashës ishte mbyllur më herët.
“Që nga 26 marsi i 2022 deri në dhjetor nuk ka prit Edi Rama ti zgjidhi fjalën Taulant Balla me Lul Bashën. Çështja e gjyqit ka qënë plan afatgjatë i Ramës për ta pasur para zgjedhjeve lokale për të mos e lejuar PD që të hyjë me kryetar Sali Berishën dhe për të mbajtur peng. Pra ska ndikuar Basha për vulën. Normal e ka përdorur Lulzim Bashën, por jo më shumë Bashën sesa ato që e drejtojnë sot vulën e PD. Mendoj që ka ardhur për amnistinë fiskale dhe është bërë një takim për këtë. Mund ta kem gabim po të paktën duke patur parasysh se Basha pa një faturë financiare nuk ulet nëpër takime”, nënvizoi ajo.
Më tej, deputetja e PL tha se në dijeninë e saj ekzistojnë video që provojnë edhe takimet sekrete Rama-Basha në Pallatin e Brigadave.
“Por të shohim. Në dijeninë time kanë dhe video të tjera e do të kuptojmë se çfarë ka ndodhur. Për mua mirë do ishte ta kishin nxjerrë më shpejt që ta kuptonin njerëzit. Po atë e di e gjithë Shqipëria. Para 2021 mua më kanë thënë se është takuar tek Pallati i Brigadave me Edi Ramën disa herë, edhe nga punonjës vetë të Pallatit të Brigadave, të Gardës”, u shpreh ajo.
