Derbi i Milanos përballë Interit në Ligën e Kampioneve pavarësht humbjes 2-0, ka bërë të lumtur Milanin.
Kuqezinjtë, edhe pse me një pronar të ri, janë shumë të kujdesshëm për të gjeneruar sa më shumë të ardhura e për të mos qenë të varur nga financimet e tij.
Dhe ndonëse rezultati në fushën e lojës nuk ka qenë ai i pritshmi për ekipin e Stefano Piolit, lajmet nga biletaria e stadiumit “San Siro” padyshim që kanë gëzuar drejtuesit. Sot në stadium kanë qenë të pranishëm 75532 spektatorë për të ndjekur këtë ndeshje.
Duke llogaritur çmimet e veçanta të biletave që normalisht janë më të larta se sa zakonisht duke llogaritur rëndësinë e ndeshjes dhe kundërshtarin.
Për Milanin pritës është thyer rekordi i fitimeve nga një ndeshje e vetme.
Mediat italiane raportojnë se kuqezinjtë kanë siguruar 10,461 milionë euro nga biletat në këtë sfidë.
Kjo ka thyer me një diferencë të thellë rekordin e mëparshëm, i cili ishte “vetëm” 9,133 milionë euro.
