Policia ka arrestuar në flagrancë shoferin e kamionit, i cili është përplasur me automjetin e 56-vjeçares gjermane, e cila humbi jetën si pasojë e aksidentit në aksin rrugor Qafë Thanë-Prrenjas. Si pasojë e përplasjes së dy automjeteve ka ngelur i lënduar edhe shtetasi me iniciale P.K, i cili ishte pasagjer në makinën e 56-vjeçares.
Shtetasi serb me iniciale S.M 50 vjeç, shoferi i kamionit është vënë në pranga nga policia rrugore e Elbasanit.
“Në vijim të informacionit paraprak të dhënë pasditen e djeshme, për një aksident në aksin rrugor “Qafë Thanë-Prrenjas”, ju informojmë se specialistët e qarkullimit rrugor të DVP Elbasan arrestuan në flagrancë shtetasin serb S. M., 50 vjeç, pasi kamioni që drejtohej nga 50-vjeçari, është përplasur me automjetin që drejtohej nga shtetasja gjermane U. S., 56 vjeçe.
Si pasojë e këtij aksidenti, ka humbur jetën 56-vjeçarja dhe është dëmtuar shtetasi P. K., pasagjer në automjetin që drejtohej nga kjo shtetase.”– njofton policia.
