Takimi elektoral i kryeministrit Edi Rama ditën e djeshme në Kuçovë, është ironizuar nga kandidati opozitar për këtë bashki në zgjedhjet e 14 Majit, Lefter Maliqi me një foto.
Sipas Maliqit, fotoja që flet sa për njëmijë fjalë, tregon se “Kreshnik Hajdari merr pjesë në ‘varrimin’ e tij politik…”, dhe këtë e ka kuptuar shefi i tij kryeministër, shprehja e fytyrës së të cilit tregon pakënaqësi me numrin e pjesëmarrësve në tubim.
Jo vetëm fytyra e ngrysur e Ramës, por edhe dëshpërimi në sytë e kryebashkiakut të majtë, i cili i shpëtoi qelisë për tenderin 3 milionë euro të ujësjellësit të Sinecit pas ndërhyrjes në SPAK të oligarkut Pëllumb Salillari, tregon pozitën jo të favorshme të PS-së në Kuçovë.
E njohur si bastion i majtë, kjo bashki duket se do të rezervojë surpriza më 14 Maj dhe koshient për skandalet e Hajdarit, Rama nuk sulmoi personalisht me gjuhën e përbaltjes dhe fyerjes, siç bën zakonisht, as Maliqin.
“Gjuha e tij e trupit tregon atë që e pret më 14 Maj… dhe këtë nuk e ndryshon as blerja e votave që ka tentuar këto ditë bashkë me shefin e tij oligark Pëllumb Salillari.
Kryerilindasi erdhi dje në Kuçovë pa iu nxirë faqja nga kandidati i tij, që mbi të gjitha duhet ta ketë vendin në burg.
Kryerilindasi nuk pati guximin as të artikulonte emrin tim, meqë e ka pasion të përgojojë kundërshtarët.
PSE?!
Këtë e di vetëm ai…
Takimi i djeshëm në Kuçovë ishte më i dështuari i Edi Ramës në të gjitha bashkitë dhe ai e di këtë”, shkruan Maliqi në postimin e tij në Faceook, që e shoqëron me foton me imazhet e nxira të Ramës e Hajdarit.
“Forca Kuçova, mos u dorëzo përpara ‘rracës’ që të ka ‘pirë gjakun’ në gjithë këto vite. 14 Maji, dita jote, përgjegjësia ime!”, është mesazhi që e shoqëron më pas postimin e tij.
