Një 65-vjeçar në Shkodër ka përplasur me makinë në vijat e bardha një këmbësore 55-vjeçare. E plagosura po merr ndihmën mjekësore në Spitalin Rajonal Shkodër.
Shoferi 65-vjeçar është dërguar në ambientet e Komisariatit të Policisë Shkodër, për kryerjen e veprimeve të mëtejshme procedurale.
“Rreth orës 09:50, në sheshin “Demokracia”, shtetasi A. R., 65 vjeç, duke drejtuar automjetin, ka përplasur shtetasen N. Gj., 55 vjeçe (këmbësore), e cila po merr aktualisht ndihmën mjekësore, në Spitalin Rajonal Shkodër.“- njofton policia.
Grupi hetimor vijon punën për zbardhjen e plotë të rrethanave të aksidentit.
