Është zbardhur dëshmia e autorit të masakrës së pak ditëve më parë në Serbi, Uroš Blažić , i cili vrau me armë 8 persona dhe plagosi 14 të tjerë.
Në seancën dëgjimore në Prokurorinë e Lartë Publike, 21-vjeçari ka pranuar krimin e rëndë, ndërsa tha se këtë akt e bëri për të terrorizuar dhe trembur popullatën.
“Në seancën dëgjimore në prokurori, shtetasi UB ka pranuar kryerjen e veprës penale. Duke përdorur një automatik dhe një pistoletë në tre lokacione në territorin e Smederevës dhe Mlladenovacit ka shtënë në disa persona që ishin në grup dhe të cilët nuk i njihte për të trembur popullatën”, njofton prokuroria.
