Presidenti i Federatës Braziliane të Futbollit (CBF), Ednaldo Rodrigues, ka pranuar publikisht se trajneri i Real Madrid, Carlo Ancelotti, është objektivi numër 1, për të marrë drejtimin e kombëtares “seleccaos”.
Rodrigues, zbuloi se nuk ka ende një ofertë, pasi fillimisht duhet të binden nëse Ancelotti dëshiron të marrë drejtimin e Brazilit.
“Nuk po them që Ancelotti ka marrë një ofertë nga ne, por ne duam të bindemi nëse ai dëshiron të vijë këtu. Kemi një plan A dhe po e them sinqerisht për herë të parë. Është e kotë ta fshehim: Ancelotti është i preferuari ynë”.
Ancelotti është në drejtimin e Real Madrid dhe ka një vit kontratë me spanjollët.