Kryeministri Edi Rama ka deklaruar sot se ndarja më e mirë territoriale për vendin do të ishte organizimi në 36 bashki.
Rama tha se Shqipëria vend i vogël dhe kjo ndarje në nivel qarqesh sipas tij ka funksionuar. Ndërkohë opozita në krahun tjetër e ka kundërshtuar këtë propozim pasi kjo largon akoma edhe më shumë qytetarin nga shërbimet lokale.
“Mendoj se 61 bashki janë shumë. Duhen më pak. Ndarja më e mirë e Shqipërisë në bashki do të ishte 36. Pra, 36 rrethet e dikurshme të jenë bashki. Nga pikëpamja e burimeve njerëzore në bashki shumë të vogla është shumë e vështirë të gjesh specialistë. Kjo njëlloj siç u kthyen komunat në njësi shërbimi”, tha Rama.
“Ne kemi bërë një riorganizim të drejtorive rajonale duke hequr dorë nga drejtori në çdo qark dhe duke bërë një organizim menaxherial të vendit me 4 zona, ku Shkodra është bashkë me Lezhën dhe me Kukësin. Dibra, Tirana e Durrësi janë bashkë. Drejtoritë e dikurshme të qarqeve janë ndarë në mënyrë proporcionale. Është një riorganizim që ndodh në gjithë territorin”, tha Rama.
