Kandidati i koalicionit opozitar “Bashkë Fitojmë” për Malësinë e Madhe, Isa Rama, ka akuzuar kryebashkiakun Tonin Marinaj se nëpërmjet abuzimeve me paratë e taksapaguesve, ka futur në kolaps bashkinë.
Ai u shpreh ndër të tjera se një kundërshtar që jeton në Tiranë dhe në kohë fushate qëndron në hotel në Malësinë e Madhe, nuk mund të paraqesë zgjidhje të halleve për qytetarët.
“Hallet e malësoreve janë hallet e mia. Kandidova që qytetarët mos të grabiten më nga Tonin Marinaj, i cili e drejton bashkinë si “emigrant”, ndërsa jeton në Tiranë. Kryebashkiaku ka 2 muaj në hotel, se është fushatë”, shprehet ai.
Isa Rama nënvizon se bashkia e Malësisë së Madhe ka 13 milionë euro borxhe të cilat i ka deklaruar edhe kryeministri dhe rrezikon të kalojë aset i qeverisë.
“Jemi në prag kolapsi. Dera ime do jetë 24 orë e hapur për qytetarët”, u shpreh ai.
