Mbrojtësi i Kombëtares, Berat Gjimshiti, zhvilloi një paraqitje mbresëlënëse ditën e sotme me fanellën e Atalantës, në triumfin 3-2 që skuadra zikaltre arriti në shtëpi ndaj Specias.
Si të mos mjaftonte paraqitja e shkëlqyer në qendër të mbrojtjes, në minutën e 54-t, Gjimshiti u bë protagonist, duke asistuar për golin e tretë të shënuar nga Muriel. Një gol ky vendimtar për fitoren. Në fund të sfidës, futbollisti shqiptar u vlerësua me notën më të lartë nga “Flashscore”.
8.2 ishte nota që iu vendos Gjimshitit, i cili rezulton edhe futbollisti me notën më të lartë nga të gjithë. Pas tij vijnë Muriel dhe Zapakosta.
